其實你翻睇前幾次既日記，就知我個ｂｌｏｇ發生乜事，正確黎講我封印左個ｂｌｏｇ，而改行寫私人日記。不過我近期有幾篇日記，幾值得同諸位忠實既讀者分享：

１．４．０７　今天都幾開心，除左衰左外，崇拜撞到阿冰，岩岩趕得切，主日學都幾享受，講以利亞，想了解佢好耐，一方面ｆｉｒｍ晒聖經問答隊員．．．另外國明又一齊去團契部會，感受好好，可以互相配搭，反而我成為個接駁人，之後會議大家都好互相體諒，一來知道大家都有難處，運作團契壓力大左，但同時大家都好有負擔．．．之後大良訓練，又開始要拿起一ｄ工作崗位，求天父賜我能力，與我同行，但見大家仍是願意擺上，深感付出係值得既，淑貞既聖經分享好好，尤其講到事奉觀，深覺邀請淑貞大安做訓練，有天父既帶領，但成個訓練最深刻，係文偉回應讚咗我一句，我只係同昌文講訓練程序有少少錯漏，文偉回應「阿納成熟左喎！」，我當時都唔為意，但諗返起，好似一笑泯恩仇一樣，多謝天父一天既安排。　　其實今天係爺爺死忌

３１．３．０７　第二朝，我地一齊食早餐再用天路客默想、回顧信仰歷程，又一次從籃體領受牧養，而且讓我回顧了在籃體中既屬靈經歷，自我既部份多屬生命重整，其他部份多屬屬靈操練、曠野經歷，好快讓我回顧了近年在不同群體地方既經歷，天父真恩待籃體，我即時想問佢地攞ｄ返教會，之後博士回應我分享「估唔到籃體都幫到你喎」，我回應緊係幫到啦，然後大家都有ｄ分享，我感受到佢仍然銳智，一睇就知道我內裡既狀況，我一講佢就可以為件事解構，感謝祢賜福博士，願祢既恩惠慈愛隨著佢，從今時直到永遠，阿們。（特別數字：１２２１籃體合約，１１８籃體解約，３３０鄰舍呼召）

３０．３．０７　一年前既今日，我靈修中收到阿珊邀請我返鄰舍，一年後，我同籃體同工一齊退修，也回顧了不少當日既片段，每每是恩典，同行既足跡，也感恩天父藉籃體，開啟我進入召命既門

係船上同博士、義工阿祥傾偈，講開我係鄰舍既服事，我開始講起師兄師姐計劃，由服務對象、服務範圍、形式、理念講起，博士特別問起我既活動理念，我就講述生命重整既起源，以至來到鄰舍既演變，博士知道係我自創變化出來既工具，又知道點樣幫助邊青後，突然同我握手話「事別三日，刮目相看」，又話籃體請唔到我，雖然我覺得佢半講笑，但同時感受到佢既認同，心目中一位敬重既師傅、父親認同自已，實在令我太喜悅，感謝天父抬舉我，使我得尊榮，願榮耀歸與祢，阿們。

２１．３．０７　今天返三節，預咗勁忙，原來下晝同晚上連見三個師兄師姐，但加上ｊａｎｅｔ早上想我預備新來港活動，所以更加忙，不過整天算係時間恰當，晚上又突然少左個訓練，心情都好左好多，而菲姐覆我話蕭ｓｉｒ應承加我所要求既人工，我即時感受到天父既恩典好大，尤其諗起皇既恩寵，如此我之後既計劃會完全唔一樣，包括工作計劃、讀書、ｅｄｏｓ團契等等，我好想快ｄ通報所有人，呢個好消息，天父！多謝你既恩寵，願榮耀歸與你

褥子團契

「豪豬（箭豬）的困境：如何挨近而不受傷？」

豪豬滿身是刺，每當受驚與憤怒時，是非常危險，卻要面對一個現實「豪豬如何親近對方」．．．現實中人與人深入既相處，同樣是怕受傷、怕被挑戰、怕被拒絕、怕被否定，而人保護自己，接受不了對方有刺，同時亦傷害了別人，不自覺申出了刺．．．

「奇蹟中的奇蹟：關係的確能夠建立－即使是豪豬亦然。」

「在交配前，公的與母的豪豬會相聚數日，觸碰彼此的爪子，甚至用後腿走路，這就是所謂的「豪豬之舞」。豪豬收起刺來，學習共舞。」這是神所賜既出路，啟示直指人與人既關係，當彼此認清自己既缺點（特性）時，就是選擇以謙卑自己、接納對方、進入更深關係既機會，此刻，是去？或留？

　　呢本真係一本好書，而且盡是我所面對既處境，也眼見其他人相同既處境，進入更深關係嗎？是個很大的挑戰

今日再次開始睇一本久違既書　－　褥子團契

書面寫著．．．

當一群人願意為彼此生命的成長委身到底、付諸行動，

甚至不惜拆屋破頂時，

那就是神所喜悅的褥子團契。

你也可以經歷！

世界．．．就是如此廣闊．．．

能感受這世界真好．．．

讓我感恩　日夕是你施恩眷顧

你對我的深恩厚愛　教我心穩固．．．

一個有趣既小統計，要鳴謝ｍｉｎｎｉｅ，雖然以前學過人有光明區，盲點區，隱藏區和黑暗區，不過無諗過可以搵人做統計，有趣！請你都俾下意見啦，形容下我，ｃｌｉｃｋ以下既ｌｉｎｋ

http://kevan.org/nohari?name=Lap